TEREF yazır ki, Rza Zərrabdan boşandıqdan sonra Ebru Gündeş iş adamı Murat Özdemirlə ailə qurub və bu evlilik də böyük şokla sarsılıb. Gündeşin əri Murat Özdemir nəzarətə götürülüb.

Məşhur müğənni Ebru Gündeşin əri Murat Özdemir ötən gün Acarkentdəki villasında keçirilən əməliyyatla saxlanılıb. Özdemir Səlahəddin Yılmazın rəhbərlik etdiyi iddia edilən silahlı cinayət təşkilatına üzv olmaqda ittiham olunur.

Seyhan Avşarın verdiyi məlumata görə, İstanbul Respublika Prokurorluğunun apardığı istintaq çərçivəsində Ebru Gündeşin əri Murat Özdemir öz villasında Səlahəddin Yılmaz cinayət təşkilatını hədəf alan əməliyyatlar zamanı saxlanılıb.

Özdemir təşkilata üzv olmaqda və təşkilat rəhbərinin göstərişi ilə bir neçə mütəşəkkil sənaye zonasına zorla daxil olmaqda ittiham olunur. Polis bölməsindəki əməliyyatın ardından Özdemir bu gün ədliyyəyə sövq edilib.

RİZA ZƏRRAB HADİSƏSİNDƏN XATIRLATMA
Murat Özdəmirin cinayət təşkilatı əməliyyatında saxlanması yada Ebru Gündeşin əvvəlki əri Rza Zərrabı gətirdi. Zərrab korrupsiya və rüşvət iddiaları ilə Türkiyədə diqqət mərkəzində olub və daha sonra İran embarqosunu pozmaq, bank fırıldaqları və çirkli pulların yuyulmasında ittiham edilərək ABŞ-da həbs edilib.

2017-ci ildə prokurorluqla ifadə verməyə razı olan Zərrab ABŞ-da şahidlərin müdafiəsi proqramına daxil olub və daha sonra dəbdəbəli həyat tərzi keçirərək adını Aaron Goldsmith qoyub. Türkiyədə “casusluq” istintaqı çərçivəsində onun əmlakına həbs qoyulub.

Ebru Gündeş 16 yaşında Həmdi Vardar, 2002-ci ildə isə vəkil Ömər Durakla evlənib. 2010-cu ildə Rza Zərrabla ailə həyatı qurub. 2021-ci ilin mayında Gündeş Bodrum Ailə Məhkəməsində iddia qaldıraraq 11 illik evliliyinə son qoyub. Ebru Gündeş dördüncü əri Murat Özdemirlə 2024-cü ilin fevralında Dubayda evlənib.

Mənbə: Gerçek Gündem