Suriyadakı terrorçu qruplaşmalardan biri olan Əhraruş-Şam yeni liderini seçib. Terrorçuların yeni lideri Əbul Bəra olub. Əhraruş-Şamdan Türkiyənin Anadolu xəbər agentliyinə verilən məlumatda bildirilir ki, qruplaşma özünə yeni liderin seçib. Açıqlamada, "Əbu Əmmar" ləqəbi ilə tanınan Əli Ömərin istefasının qəbul edildiyi, onun yerinə Əbul Bəranın seçildiyi bildirilib. Əsl adı Həsən Sufan olan Əbul Bəra, 1979-cu ildə Latakiyada anadan olub. Xaricdə ilahiyyat təhsili alıb. Ölkəsinə qayıtdıqdan sonra müxalif kimi tanınmağa başlayıb. Əbul Bəra Suriya hakimiyyəti tərəfindən edama məhkum edilib ancaq edam edilməyib. Keçən il Əbul Bəra, Bəşər Əsəd hakimiyyəti ilə terrorçular arasında əsir mübadiləsi əsnasında təxliyə edilib.
Mənbə: eastnews.org