Şimali Koreya kimi təhlükəli qonşusuna qarşı raket sınaqları keçirdiyini bəyan edən Cənubi Koreya ittihamlara hədəf olub.

Cebhe.info xarici mətbuata istinadən bildirir ki, Cənubi Koreyada keçirilən raket sınağını əks etdirən bir videoda yanan insan fiqurunun görünməsi ortalığı qarışdırıb. Belə ki, Cənubi Koreyanın raketi insanlar üzərində snaqdan keçirdiyinə dair iddialar səsləndirilir.

“Göy üzünün qoruyucusu" adı verilən “Xuanwu” adlı raketin sınağından sonra ortaya atılan bu iddialar geniş müzakirə mövzusudur. Görüntüdə həssas ballistik raketin bir sığınacağı vurduğu və yanğın görünür.

Yanğının arasında isə insan fiquru var. İndi müzakirələr həmin fiqurun canlı insana, yoxsa maketə aid olması yönündədir. Bəzi məlumatlara görə, yanan şəxs poliqon əməkdaşıdır.
[media=https://www.youtube.com/watch?v=4pY9g9h1x6U]