Şimali Koreyada nüvə sınaqları keçirildikdən bir müddət sonra ölkədə müxtəlif patalogiyaları olan uşaqlar dünyaya gəlib.
Publika.az xəbər verir ki, bu barədə Cənubi Koreyanın “Chosun Ilbo” qəzetinə müsahibə verən şimali koreyalı qaçqınlar deyib.
Onlar Şimali Koreyada yaşayan qohumlarının xəstəxanalarda mutasiyaya uğramış uşaqlarının doğulmasına şahid olduqlarını deyib.
Digər bir qaçqın isə bildirib ki, nüvə silahlarının radiyasiyası yeraltı sulara qarışıb. Bəzi su qaynaqları quruyub. Yerli sakinlər isə başqa yerlərdən gətirilən suyu istifadə etməkdən qorxurlar. Suların çirklənməsi səbəbilə su canlıları məhv olub və ağacların 80%-i quruyub.
2010-cu ildə Şimali Koreyadan qaçan bir vətəndaş isə 2 nüvə sınağnda şahid olduğu hadisədən danışıb:
“2006 və 2009-cu illərdəki sınaqlarda sadəcə əsgərlərin ailələri təxliyə edildi. Onları yerin altındakı mədənlərə yerləşdirdilər. Yerli sakinlər isə sınaqlardan tamamilə xəbərsiz idi”.