Rəsmi Ər-Riyad Berlindəki səfirini məsləhətləşmək üçün geri çağırıb.
"Report" xəbər verir ki, bu barədə "SPA" agentliyi krallığın Xarici İşlər Nazirliyindəki mənbəyə istinadən məlumat yayıb.
Nazirlikdəki mənbənin açıqlamasına əsasən, bu tədbirlər AFR-ın xarici işlər naziri Ziqmara Qabrielin livanlı həmkarı ilə görüşdə Səudiyyə Ərəbistanı barəsində bir sıra fikirlərdən sonra qəbul edilib. Bildirilir ki, həmin fikirlər təəccübə və hiddətə səbəb olub.
Krallıq bu bəyanatlara dezinformasiya əsaslanan, regionda sabitliyə kömək etməyən bəyanatlar kimi baxır. Krallıq həmçinin Almaniyanın bu ölkədəki səfirinə nota təqdim edib.