İordaniya hökuməti İsraillə əlaqələri bərpa edəcəyini açıqlayıb. teref.az-nun "Sputnik"ə istinadən verdiyi məlumata görə, İsrail rejimi səfirlik mühafizəçisi olan İordaniya vətəndaşlarının öldürülməsi hadisəsinə görə rəsmən üzr istədiyini, təzminat ödəmyə və hüquqi prosedura başlamağa hazır olduğunu bəyan edib.

Bu addımdan sonra İsrailin İordaniyadakı səfirliyinin yenidən açılmasına dair razılığa gəlinib.

İsrail Xarici İşlər Nazirliyi ötən ilin iyulunda Əmmanda yerləşən səfirlikdə iki İordaniya vətəndaşının ölümünə səbəb olan hadisə ilə bağlı dərin peşmançılığını dilə gətirərək üzr istəyib və hüquqi prosedura başlamağı ehtiva edən rəsmi məktub göndərib.

Baş nazir Benyamin Netanyahu da səfirliyin tam şəkildə fəaliyyətini dərhal bərpa edəcəyini bildirib.