ABŞ-ın Nyu-Hempşir ştatında bir adam polis itini dişlədiyi üçün həbs olunub.

“Tendensiya.com” xarici mətbuata istinadən xəbər verir ki, Boskeyvn qəsəbəsində yerli polis evlərindən birindən silah səsi gəldiyi ilə bağlı şikayət aldıqdan sonra həmin evə basqın edib. Basqın zamanı polis evdəki 2 nəfəri borcları ödmədikləri üçün həbs edib.

Tutulan şəxslərdən biri polisə müqavimətini fərqli şəkildə nümayiş etdirərək, polis itini dişləyib. Polisdən verilə açıqlamaya görə, kimliyi açıqlanmayan şəxs sonradan şok cihazı ilə sakitləşdirilib. O, K9 polis itini dişlədiyi və polisə müqavimət göstərdiyi üçün həbs olunub.

İt sonradan müayinə olunduqdan sonra vəzifəsinə qaytarılıb.

Polis departamentindən isə bildirilib ki, bir polis iti ilə yarışsanız, uduzarsınız.