"Ötən ilin dekabr ayına olan məlumatlara görə, ABŞ Yaxın Şərqdəki əməliyyatlara 7 trilyon dollar xərcləyib”. Məlumata görə, bunu CNBC telekanalına müsahibəsində ABŞ prezidenti Donald Tramp deyib. “Bu çox böyük xərclərdir. Biz hələ də oradayıq, mən İŞİD-ə qalib gəldim. Biz yaxşı iş gördük. Lakin xərclərin yüksək olması məyusedici faktdır”, - deyə o vurğulayıb. Bununla belə Tramp sözügedən xərclərin konkret hansı dövrü əhatə etdiyini dəqiqləşdirməyib.