teref.az yazır ki, BBC-nin yaydığı xəbərə görə, Almaniyanın Daxili Kəşfiyyat Xidmətinin Konstitutsiyanı Qoruma Təşkilatının başçısı Hans Georq Maassen Şimali Koreyanın nüvə və raket proqramları üçün texnologiya və və ləvazimat əldə eləmək məqsədi ilə Berlindəki səfirliyindən istifadə etdiyini, lakin alman rəhbərliyinin bu fəaliyyətlərin qarşısını aldığını bildirib.

Lakin Şimali Koreyanın bu istiqamətdə fəaliyyətinin tam nəzarət altında olmadığını qeyd edən Maassen deyib: “Texnoloji materialları əldə eləmək üçün göstərilən səylərin çoxunun səfirlik vasitəsi ilə edildiyindən xəbər tutmuşuq. Bizim fikrimizcə, bu raket və nüvə proqramı üçün nəzərdə tutulan texnologiya idi. Biz belə hadisələrdən xəbər tutan kimi qarşısını alırıq. Lakin, hər bir cəhdin aşkara çıxıb əngəllənəcəyinə təminat vermirik”.