İtaliyanın Genuya şəhərində körpünün uçması nəticəsində 22 nəfər həlak olub, 16 nəfər isə yaralanıb.

Trend-in məlumatına görə, bunu İtaliyanın baş naziri Cuzeppe Konte bildirib.

Onun sözlərinə görə, xəsarət alanlardan 9-nun vəziyyəti çox ağırdır: "Son məlumatlara əsasən, 22 nəfər həlak olub, 16 nəfər xəsarət alıb, onlardan 9-nun vəziyyəti çox ağırdır".

Baş nazir əlavə edib ki, körpünün uçması inanılmaz faciədir, çünki burada söhbət bədbəxt hadisədən deyil konstruksiyanın çökməsindən gedir.