Zahid , demə :"Dünya nə sənindir , nə mənimdir " ,
Sən sevmədiyin cümlə bu yerlər Vətənimdir ,
Verməm Vətənin bir qarışın yadlara əsla !
Şəfqətli anamdır bu mənim , can verənimdir !...
Hər dəfə Ermənistan işğal etdiyi Vətənimizdə Hərbi tə'limlər keçirəndə , yanımda - "buna baxe , dığalar torpaqlarımızda at oynadır , biz isə heç nə edə bilmirik" deyənlərə ...
Ürəyim öz yağında qovrula-qovrula - xalxın öz işidir əziyyətlə , qan töküb aldığı torpaqlardı . Torpaq onun , yer onun , nə istəsə etməyə haqqı var cavabını vermişəm ...
Məni qınayanların hamısını dünən bir sıra düzüb , elə sol əllə Hərbi salam verməyim gəldi ... !!!
Hələ adi bir gündə dili dolaşıb öz ad-soyadınn yerini dəyişik deyən cənab Generalı da çağırardım o sıraya .
Sən qarşında erməni görsən nə edərsən cənab General ??? Biz sizlərə güvənib müharibə tələb edirik ...
Görürsünüz necə kirimişcə qəbul etdik . ?
Adı bizim , dadı özgənin olan Vətənimiz artıq 30 ildir ermənilərin torpağıdır .
Biz ha Vətən deyək , biz ha Qarabağımız deyək .
Sonuc ???!!!
- 10 saatdan artıq davam edən döyüşdə 1860 yaralının qanı ...
- həlak olan 480 insanın cəsədi ...,
- öz yurdundan didərgin düşən 22 min köçkünün naləsi ...
- Əsir götürülmüş , bu günəcən taleyi barədə məlumat olmayan 68 soydaşımızın çarəsizliyi tökülən Şuşamızda ermənilər at da oynadır , oğul da əkir , Şuşa üğrunda vuruşmağa əsgər də yetişdirir . Çünki
Şuşa ermənilər üçün çox müqəddəsdir . Onların qədim-tarixi arzuları olduğu üçün .
Bu gecə yuxuma girmişdi Şuşa,
Cabbar ağlayırdı, Xan ağlayırdı.
Dönmüşdü qanadı qırılmış quşa,
Qarabağ başabaş qan ağlayırdı.
Bizsə Şuşanı ancaq yuxuda görürük , sağlığına içirik , Şuşa üçün heç nə etmədiyimiz bu ildə , gələn il Şuşanın gəlməyini arzulayırıq .
Gülməlidir deyilmi ??
Illərdir Lazımı gözləməkdənsə , məncə Pənahəli Xana pənah aparsaydıq kişi çoxdan dirilmişdi . Amma rəhmətliyin dəfn edildiyi yer də ermənilərdədi deyə deyəsən heç o da bizə pənah gətirə bilməyəcək .
Şuşanın dili olsaydı dünən gecə bizə nə deyərdi ??
- "Sevdiyi oğlanı gözləyən namuslu qız kimi ümidlə 28 ildir bakirəliyimi qorudum , onu gözlədim. O da getdiyi yerdə bərli-bəzəkli karopkalara , daş divarlara , yalan vədlərə aldanıb məni unutdu , gəlmədi . Heç olmasa 3 günlüyümü Bakı bulvarında atəşfəşanlıqla keçirin ."
Deyərdi , vallah deyərdi ...
Maya Quliyeva
Teref.az