Ayda insanların yaşaması üçün hazırlıqlar başladı - FOTO

9-10-2022, 10:22           
Ayda insanların yaşaması üçün hazırlıqlar başladı - FOTO
“Lunaria One” tədqiqat təşkilatının avstraliyalı və israilli alimləri Ayda bitki yetişdirmək üçün layihə hazırlayıblar. Layihənin 2025-ci ilə qədər özəl kosmos missiyasının bir hissəsi olaraq işə salınması gözlənilir.

Bu barədə Phys.org-un press-relizində məlumat verilib.

Toxumlar “Beresheet 2” kosmik gəmisi ilə suvarma sistemi olan təzyiqli kameranın içərisində Aya çatdırılacaq.

Mütəxəssislər ekstremal şəraitdə yaşaya bilən bitki növlərinin cücərməsini və böyüməsini müşahidə etməyi planlaşdırırlar. Bunlardan biri Avstraliyada yetişən və su olmadan uzun müddət yaşaya bilən “Micraira” cinsindən otdur.


Alimlər deyirlər ki, Ay ferması layihəsi Ayda uzunmüddətli insan məskənlərinin qurulması üçün vacib olan qida, dərman və oksigen üçün bitkilərin yetişdirilməsi istiqamətində ilk addımdır.

Bundan əlavə, bu platforma vasitəsilə Yer kürəsində ən əlverişsiz şəraitdə qida məhsullarının yetişdirilməsi üçün sistemlərin yaradılması mümkün olacaq. Bu isə iqlim dəyişikliyi şəraitində ərzaq təhlükəsizliyinin əsasını təşkil edəcək.

Mənbə: Lenta.ru












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru