Ukrayna Silahlı Qüvvələrinin Rusiya strateji aviasiyasına ağır zərbəsində sonra Putinin ideoloqu Aleksandr Duqin belə bir post paylaşıb:
-MAGA, hardasınız?
Təsəvvür edin, Duqin respublikaçıları(Tramp qanadı) köməyə çağırır və bu çağırışa cavab özünü çox gözlətmədi. Cavabı Trampın və ABŞ ultra-sağın ideoloqu Stiv Bennon verdi, oxuyaq:
Əgər Tramp administrasiyası “Hörümçək toru” əməliyyatı barədə əvvəlcədən məlumatlandırılmayıbsa, Ağ Ev bunu dərhal pisləməli və Ukraynaya bütün dəstəyi dayandırmalıdır. Lindsi Qremə isə deməlidir ki, evə qayıtsın, əks halda geri qayıdanda səni həbs edəcəyik.
Lindsi Qrem bizə deyir: "Ey, Trampı unudun. Mənim Nümayəndələr Palatam və Senatım var. Biz qanun layihəsini qəbul edəcəyik. Bir neçə günə görəcəksiniz".
Qrem aranı qatır və hər kəsi qızışdırır.
Sitatın sonu.
Görünən odur ki, partiya daxilində eyni zamanda bir neçə savaş başlayıb.
Kamran Cəfərov
TEREF