3 uşaq atası avtomatla güllələndi
21-10-2015, 23:34
![3 uşaq atası avtomatla güllələndi](/uploads/posts/2015-10/1445452488_1.jpg)
Lənkəranda dəhşətli qətl hadisəsi baş verib.
Rayon Prokurorluğundan ANS PRESS-ə verilən məlumata görə, Girdəni kənd sakini, əvvəllər məhkum olunmuş 1973-cü il təvəllüdlü Zahir Fərman oğlu Əsgərov aralarında yaranan şəxsi münasibətlər zəminində həmkəndlisi, 1975-ci il təvəllüdlü Müşfiq Məzahir oğlu Abdullayevə odlu silahdan - avtomatdan atəş açıb.
Qətli törədən şəxs daha sonra hadisə yerindən uzaqlaşıb. Hüquq-mühafizə orqanları əməkdaşları apardığı əməliyyat-axtarış nəticəsində qətli törətməkdə şübhəli bilinən Zahir Əsgərov həbs edilərək istintaqa cəlb edilib.
Faktla bağlı Lənkəran Rayon Prokurorluğunda Cinayət Məcəlləsinin qəsdən adam öldürmə maddəsi üzrə cinayət işi açılıb, araşdırma aparılır.
Qətli törədən və həyatını itirən hər iki şəxsin 3 uşağı var. Dünyasını dəyişən şəxsin övladlarının azyaşlı olduğu bildirilir.
Bir müddət əvvəl də Tovuzda qonşu öz qonşusunu güllələmişdi.
Rayonun Hacıallı kəndində qeydə alınan hadisə zamanı kənd sakini, 1999-cu il təvəllüdlü Səxavət Əhmədovla qonşusu 1954-cü il təvəllüdlü Şahvələd Ələsgərov mal-qaranın əkin sahələrinə keçməsi üstündə mübahisə etmişdilər.
Daha sonra mübahisə qızışmış və 61 yaşlı Şahvələd Ələsgərov ov tüfəngindən 17 yaşlı Səxavət Əhmədova atəş açmışdı.