"Livanın "Hizbullah" hərəkatı bütün silahlarını ölkə ordusuna təhvil verməyə hazırdır, lakin bunun üçün İsrail Livan ərazisini tərk etməlidir".

Bu barədə "Al Hadath" telekanalı məlumat yayıb.

Kanalın mənbələrinin verdiyi məlumata görə, hərəkat Livan Prezidenti Cozef Aunun İsrail hərbçilərinin ölkələr arasında beynəlxalq səviyyədə tanınmış sərhədlərə qayıtması müqabilində tədricən tərksilah edilməsi və tərəfdarlarının Litani çayının şimalından çıxarılması ilə bağlı təklifi ilə razılaşıb.

"Hizbullah" həmçinin İsraildən hücum etməmək üçün etibarlı təminat istəyib.