Ermənistanın baş naziri Nikol Paşinyan koronavirus infeksiyasına kimdən yoluxa bilmə ehtimalını açıqlayıb. Azvision.az xəbər verir ki, Paşinyan koronavirusa ona su verən ofisiantdan yoluxduğunu düşünür.

“Güman edirəm ki, işgüzar görüş zamanı yoluxmuşam. Həmin görüşdə su verən şəxs əlcək geyinməmişdi. Yerindəcə iradımı bildirdim və stəkanı dəyişməyi təklif etdim", - Paşinyan bildirib.

O, əlavə edib ki, həmin ofisiantda da koronavirus aşkarlanıb.

Xatırladaq ki, Paşinyan və onun bütün ailə üzvləri koronavirusa yoluxub.