Misirdə adı açıqlanmayan bir adam üç qızını sünnət etdirdiyi üçün hakim qarşısına çıxacaq. Baş Prokururluq qızlarını "Sizə koronavirus peyvəndi vurduracam" deyə aldadan adamla sünnəti edən həkimin mühakimə ediləcəyini açıqlayıb.

Moderator.az xəbər verir ki, hər üçünün yaşı 18 yaşdan aşağı olan qızlar evə gələn həkimin koronavirus peyvəndi vuracağına inanıb.

Həkimin müdaxiləsindən sonra huşunu itirən qızlar oyandıqları zaman dəhşətli ağrı hiss edib və başlarına gələn hadisəni analarına söyləyib.

Qızların anası baş verən hadisə ilə bağlı polisə xəbər verərək boşandığı ərindən və həkimdən şikayətçi olub.