Koronovirus pandemiyasının başladığı Çinin Şansi əyalətinin Linfen şəhərində 700 ədəd pişiyi restoranlara yemək üçün satmağa hazırlaşan şəxslər iş başında yaxalanıb.

Avropa.info xəbər verir ki, hadisənin şahidi pişiklərin artıq yemək kimi süfrəyə verilmək üçün hazır saxlanıldığını deyib. O, Çin hökumətinin it və pişik ətinin istehlakını qanunla qadağan etməsindən sonra qaçaq satışların artdığını qeyd edib.

Yoxlama zamanı aşkarlanan 700 pişik küçəyə buraxılıb.

Qeyd edək ki, epidemiyanın başlamasından sonra vəhşi heyvanların istehlakına qadağa qoyulmuş, Şenzen şəhəri 1 maydan etibarən it və pişik ətinin qadağan olunduğu ilk şəhər olmuşdu.