Dağıstanın Məhərrəmkənd rayon məhkəməsi 5 Azərbaycan vətəndaşını müvəqqəti saxlanma təcridxanasına göndərib.

Modern.az Rusiya KİV-nə istinadən xəbər verir ki, prokurorluq ümumilikdə 10 azərbaycanlının məhkəmə önünə çıxarılacağını açıqlayıb.
Onlar polisə müqavimət (318.1) və qəsdən əmlakın məhv edilməsi (167-ci maddə) ilə təqsirləndirirlər. Bundan əvvəl məhkəmə 83 Azərbaycan vətəndaşını 10 sutkalıq həbsə göndərmişdi.

İyunun 15-də Azərbaycan-Dağıstan sərhədindəki Məhərrəmkənd rayonunun Kullatr postunda yüzlərlə azərbaycanlı ilə Rusiya polisi arasında kütləvi toqquşma baş vermişdi. Nəticədə Azərbayacana keçmək istəyən soydaşlarımız döyülmüş, aşağılanmışdı...