Eastnews.org-un verdiyi xəbərə görə, İraqdakı "Nücəba" İslami müqavimət hərəkatının baş katibinin müavini ABŞ-ın Suriya sərhədindəki İraq müqavimət qüvvələrinin mövqelərinə hücumundan danışıb.

Nasir əş-Şəmmari "Al Mayadeen" kanalına verdiyi müsahibədə "Əvvəlki bütün müqavilələr ləğv edildi və müqavimət artıq öz hədəflərini təyin etmək hüququna malikdir. Müqavimət ABŞ-ın Bağdaddakı səfirliyini casus yuvası kimi xarakterizə etsə də, onu hədəf almamağı qəbul etmişdi", - deyə bildirib.

Əş-Şəmmari İraq hökumətini son hücumla bağlı indiyə qədər heç bir açıqlama vermədiyinə görə tənqid edərək, "Hökumət muzdluların kim olduğunu açıqlamaqdan imtina etsə, İslami müqavimət "Həşd Şəbi"nin məlumatlarını ABŞ-a ötürənlərlə mübarizəni öz vəzifəsi olaraq görəcək", - deyə xəbərdarlıq edib.