Rusiyanın Smolensk şəhərində bir kişi yanından keçən tanımadığı qadını yarımcan olana qədər döyüb.

Bu barədə gazeta.ru xəbər verib. Hadisənin müşahidə kamerası tərəfindən çəkilən görüntüləri sosial şəbəkələrdə yayılıb.

Kadrlarda kişinin gözlənilmədən yanından keçən qadının üzündən yumruq vurduğu görünür. Qadın aldığı zərbədən yerə yıxılır. Kişi bir az getdikdən sonra yenidən geri qayıdır, onu qaldıraraq yaxınlıqdakı evin yaxınlığına aparır və orada qəddar şəkildə döyməyə başlayır.

Qadın sonradan huşunu itirib. Səhər onu yerli sakinlər tapıblar. O, ağır vəziyyətdə xəstəxanaya yerləşdirilib.

Kişi artıq saxlanılıb. Onun barəsində cinayət işi açılıb. Kişini 10 ilə qədər azadlıqdan məhrum etmə gözləyir.

İlkin məlumatlara görə, bu şübhəlinin qadınlara ilk hücumu deyil.

Yerli medianın məlumatına görə, kişi psixi pozğunluqdan əziyyət çəkir, o müvafiq müəssisələrdə müalicə olunsa da, görünür bu ona kömək etməyib.