Tayvannın “Qaosyun” dəniz limanında iki gəminin toqquşması nəticəsində yük konteynerlərinin sıxılması nəhəng kranların aşmasına səbəb olub.

APA “Taiwan news”a istinadən xəbər verir ki, hadisə nəticəsində 3 nəfər xəsarət alıb.

Onlardan ikisi kranı idarə edən işçilər olub. Hər ikisi kranın kabinəsində sıxılı vəziyyətdə qalıb.

Onların xilas edilməsi iki saatdan çox vaxt aparıb. Limana ciddi ziyan dəydiyi bildirilir.