Qara dənizin məhv olması ilə bağlı XƏBƏRDARLIQ

29-05-2023, 10:44           
Qara dənizin məhv olması ilə bağlı XƏBƏRDARLIQ
Türkiyəli alim, geoloq Osman Bektaş Qara dəniz yaxınlığında yaşayan hər kəsi gözləyən təhlükədən danışıb.

Bu barədə “Report” “bTV”yə istinadən xəbər verir.

Bektaş hesab edir ki, dənizin məhv olmasının qarşısını almaq və ya geri qaytarmaq mümkün deyil. O qeyd edib ki, qlobal istiləşmə onun strukturuna təsir edir.

Onun sözlərinə görə, Qara dəniz üç qatdan ibarətdir. Onun dibində zəhərli qazlar yatır, ortada temperaturun səkkiz dərəcədən yüksək olmayan ara təbəqəsi var. Məhz o, kondisioner rolunu oynayır və yuxarıda oksigenlə zəngin, balıq və digər dəniz canlıları yaşayır.

Bektaş qlobal istiləşmə səbəbiylə orta “qoruyucu” təbəqənin incəlməyə başladığını açıqlayıb.

“Zəhərli qazlarla zəngin olan alt təbəqə gələcəkdə üst təbəqə ilə qarışacaq və dənizə yaxın yaşayanları təhdid edəcək. Artıq bunu düzəltmək mümkün deyil”.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.