Ötən gecə Şərur şəhərindəki köhnə bazar kimi tanınan ticarət mərkəzində yanğın olub. Yanğının qəsdlə törədildiyi ehtimal edilir. Hadisə nəticəsində ərazisi 4.800 kvadratmetr olan bazarın təxminən 20 faizi yanıb. Bura xüsusilə bazarın rəflər olan ərazisi aiddir. 60 ədəd rəflə yanaşı 1 ofiz və 2 mağaza da yanaraq, sıradan çıxıb. Yanğının səbələri ilə bağlı rəsmi məlumat verilmir.
Bazarda çalışan ticarətçilərin „Gündəlik Naxçıvan“a verdiyi məlumata görə isə, yanğının qəsdlə törədilmə ehtimalı böyükdür. Onlar deyir ki, yanan bazarın qarşısında bir neçə ay öncə yeni ticarət mərkəzi tikilib. Bu mərkəzdə icarə haqları baha olduğundan, ticarətçilər ora yaxın durmurmuş. Ticarətçilər bildirir ki, maraqlı şəxslər bazarı yandırmaqla, onları həmin mərkəzə köçməyə məcbur etmək istəyirlər.
Bu mövzunu araşdırdıqdan sonra izləyicilərimizə ətraflı məlumat verməyə çalışacağıq.
Teref.az