Moskvada sinaqoqda terror aktı hazırlayan şəxs zərərsizləşdirilib.
Bu barədə Rusiya Federal Təhlükəsizlik Xidməti məlumat yayıb.

Sözügedən şəxsin Orta Asiya əsilli olduğu bildirilib.

“Əcnəbi terror aktı törətmək üçün Moskvadakı sinaqoqlardan birinin əhatəsində olan ərazidə kəşfiyyat aparıb, həmçinin əldəqayırma partlayıcı qurğunun hazırlanması üçün komponentlər alıb. Aprelin 10-da terrorçu saxlanılarkən silahlı müqavimət göstərib və cavab atəşi ilə zərərsizləşdirilib”, - məlumatda qeyd edilib.

Saxlanılan şəxsin yaşadığı yerdən istifadəyə hazır kustar üsulla hazırlanmış partlayıcı qurğu, habelə partlayıcı maddələr aşkar edilərək götürülüb.
TASS