Stuart Lukas Myurray adlı Kaliforniya sakini “Tinder”də tanış olduğu 50 qadını böhtan və “cinsiyyət ayrı-seçkiliyi”nə görə məhkəməyə verir.

Publika.az xəbər verir ki, bu barədə “Knife” məlumat yayıb.

O, qadınların onun haqda mənfi fikirlər paylaşdıqları barədə xəbər tutanda onları məhkəməyə vermək qərarına gəlib. Qadınlar başqalarına məsləhət görüblər ki, Stuartla əlaqə qurmasınlar.

"Onların bəzisi icazəm olmadan mənim fotolarımı dərc ediblər, yerimi izləyiblər, məni təqib etmək üçün plan qurublar”, - Myurray deyib.

Bütün bu yazılar onun “emosional sıxıntısı”na səbəb olub. Qrupa qoşulmaq cəhdləri rədd edildiyi üçün o, ittihamlara cavab verə bilməyib. O, dəymiş ziyanı 2,6 milyon dollar qiymətləndirir.