ABŞ–ın Vaşinqton ştatında bir qadın evinin ətrafını yüzlərlə yenotla əhatə etdiyi üçün polisə müraciət edib. Altı həftədir davam edən və artan yenot “ziyarətlər” i qadını narahat edib.

Gununsesi.info xarici mediaya istinadən verir ki, Dövlət Vəhşi Təbiəti Mühafizə Xidməti vəziyyəti “yenot infeksiyası” adlandırıb və əhaliyə yenotları bəsləməmələri barədə xəbərdarlıq edib.

Polis hadisəni zarafatla “Yenotların patrulundayıq”, – deyərək vəziyyəti yumoristik şəkildə paylaşıb.

Vaşinqton Dövlət Balıq və Vəhşi Təbiət Departamentinin rəsmiləri vəziyyəti ciddi qəbul edərək, bunu “yenot istilası” kimi qiymətləndiriblər.

Bu hadisə bir daha nümayiş etdirdi ki, vəhşi təbiətlə insan məskənləri arasında qarşılıqlı əlaqə idarə olunmalı olan mühüm məsələdir. Rəsmilərin oxşar halların qarşısını almaq üçün ictimaiyyəti məlumatlandırma səylərini davam etdirmələri gözlənilir.