Rusiyanın Moskva şəhərinin Novoqireyevo rayonunda bədbəxt hadisənin görüntüləri yayılıb.

Oxu.Az-ın xəbərinə görə, bu barədə "Baza" "Telegram" kanalı məlumat verib.

Görüntülərdə Pişik gölündə buzun qırılması nəticəsində suya düşən iki kişinin xilas olmaq üçün çabaladıqları kadrlar yer alıb.

Məlumata görə, onlar yollarını qısaltmaq üçün üzəri nazik buz qatı ilə örtülmüş göldən keçmək istəyiblər. Lakin yolun ortasında buz təbəqəsi qırılıb və hər ikisi suya düşüb. Ətrafdakı insanlar onlara doğru uzun qırmızı boru uzadıblar, lakin boğulanlara kömək edə bilməyiblər. Xilasedicilərin gəlməsini gözləyən kişilər hər cür cəhdlə həyatları üçün mübarizə aparıblar.

Lakin onlardan biri sağ qala bilib, digəri isə həyatını itirib. Xilasedicilər onun cəsədini sudan çıxarıblar.