Yunan-roma güləşi üzrə Rusiyanın çempionu, erməni əsilli Miqran Artünyan Moskvanın mərkəzində silahlı insident zamanı yaralanıb.

Rusiya mətbuatına istinadən verilən xəbərə görə, qanlı hadisə Moskvada yerləşən avtomobil satışı mərkəzlərindən birində baş verib.

28 yaşlı döyüşçü 34 yaşı dostu Savmel Avedyanomla «razborka» üçün avtosalona gəlib. Qarşı tərəflə söhbət zamanı sözləri çəpləşən iki qrup arasında silahlı insident baş verib. Hadisə zamanı erməni idmançı ayağından yaralanıb. Miqran Artünyanın üzərində silah olub.

Qeyd edək ki, Miqran Artünyan Azərbaycanda keçirilən Birinci Avropa Oyunlarının iştirakçısı olub.