"Xəzər" televiziyasında Xoşqədəm Hidayətqızının aparıcılığıyla yayımlanan verilişinə müraciət edən Röyal adlı Gəncə şəhər sakini ilginc açıqlamalar verib.
"Ölkə.Az"-ın məlumatına görə, bildirib ki, keçmiş həyat yoldaşı olan Səbinə adlı qadının hazırda münasibətdə olduğu şəxs onun övladlarını işgəncələrə məruz qoyur:

"Övladım üçüncü sinifdə oxumalıdır, amma ikidə oxuyur. Səbinənin yaşadığı insan uşağımın əlini yandırıb. Xahiş edirəm, onun analıqdan məhrum edilməsində mənə hüquqi yardım göstərəsiniz".

Bir neçə dəqiqə sonra proqrama qatılan Səbinə isə Röyalın dedikləriylə razılaşmayıb:
"Deyilənlər tamamilə əsassızdır. O, qumar oynayır. Evli olduğumuz ilk beş ildə hər şey yaxşı olub. Amma oğlumuz dünyaya gələndən sonra bu adam tamamilə dəyişdi".

Ölkə.Az-ən əldə etdiyi məlumata görə, Səbinə adlı qadının münasibətdə olduğu şəxs Gəncə Şəhər Baş Polis İdarəsinin keçmiş əməkdaşıdır. Sözügedən şəxs məhz bu qadınla olan əlaqələrinə və digər nöqsanlara görə polisdən uzaqlaşdırılıb.