"Qızıl-Gül" firması "Bazarstore" Məhdud Məsuliyyətli Cəmiyyətini (MMC) məhkəməyə verib.
"Report"un məlumatına görə, firma icarə müqaviləsinə xitam verilməsini tələb edir.
İddiaya 2 saylı Bakı İnzibati-İqtisadi Məhkəməsində baxılır.

Qeyd edək ki, "Qızıl-Gül" firması ilə "Bazarstore" arasında 19 dekabr 2012-ci il tarixli icarə müqaviləsi bağlanıb. Müqavilə sənədinə əsasən, "Qızıl-Gül" firması Sumqayıt şəhəri, 30-cu məhəllədə 2 min kvadratemetrlik ərazini "Bazarstore"a icarəyə verib. Bu ilin martında isə firmanın direktoru Azər Nəbiyev mülkiyyətində olan obyektinin icarə haqqının qiymətini artırıb. Tərəflər arasında mübahisə də məhz bundan sonra yaranıb.