Cəlilabadda taxılla dolu “Qazel” aşıb, sürücü ölüb
15-07-2018, 20:39
Cəlilabadda “Qazel” markalı avtomobil aşıb, 1 nəfər ölüb.
“Report” xəbər verir ki, hadisə bu gün axşam saatlarında rayonun Xanəgah kəndi ərazisində baş verib.
İlkin məlumata görə, həmin ərazidə taxılla dolu “Qazel” markalı yük maşını hərəkətdə olarkən anidən idarəetməni itirib və yolun kənarına aşıb.
Nəticədə “Qazel”in sürücüsü hadisə yerində dünyasını dəyişib. Hazırda ölənin şəxsiyyəti dəqiqləşdirilir.
Faktla bağlı araşdırma aparılır.
