Bu gün futbol üzrə Azərbaycan çempionatında turun mərkəzi qarşılaşmasında “Neftçi” və “Qarabağ” klubları qarşılaşacaq.

Axar.az xəbər verir ki, görüş “Bayıl Arena”da Bakı vaxtı ilə saat 17:00-da oynanılacaq.

Mərkəzi qarşılaşmanı Əliyar Ağayev idarə edəcək. Ona Zeynal Zeynalov, Rza Məmmədov və Rəvan Həmzəzadə kömək edəcəklər.

Bu kollektivlərin ilk dövrədəki duelində 1:1 hesablı heç-heçə qeydə alınıb. Əvvəlki 73 çempionat oyunundan 19-da bakılılar, 27-də isə ağdamlılar qalib gəlib. Buna rəğmən, Qurban Qurbanovun yetirmələri 3 oyundur rəqibini üstələyə bilmir. “Ağ-qaralar” isə ardıcıl 5 ev matçında qələbə qazanmır.

***

"Neftçi" "Qarabağ"ı Bədavi Hüseynov (avtoqol), M.Abbasov və Baqali Dabonun qolları ilə 3-1 məğlub edib. "Qarabağ"ın yeganə qolunu Mahir Mədətov vurub.