“Traktorsazi” 3-cü pilləyə yüksəldi
3-11-2018, 08:14
Futbol üzrə İran çempionatında 11-ci turun oyunları keçirilir.
Publika.az xəbər verir ki, Cənubi Azərbaycanı təmsil edən “Traktorsazi” də növbəti matçına çıxıb.
Təbriz klubu səfərdə “Peykan”la qarşılaşıb. “Xəzər Lənkəran”ın sabiq baş məşqçisi, uelsli mütəxəssis Con Toşakın çalışdırdığı “traktorçular” bu oyundan qələbə ilə ayrılıb - 2:1.
Təbrizin digər təmsilçisi - “Maşinsazi” isə sabah doğma meydanda “İstiqlal”la münasibətlərinə aydınlıq gətirəcək.
Bu gün qazandığı qələbədən sonra “Traktorsazi” xalını 19-a çatdırıb və 3-cü pilləyə yüksəlib. “Maşinsazi” isə 10 xalla 10-cu pillədə qərarlaşıb.
