Azərbaycanlı FİFA referisi Əliyar Ağayev bu mövsüm UEFA-dan ilk təyinatını alıb.

Axar.az xəbər verir ki, 33 yaşlı hakimimiz sentyabrın 24-də Rumıniyanın “Styaua” və Çexiyanın “Slovan” (Liberets) komandaları arasındakı Avropa Liqasının III təsnifat mərhələsinin oyununu idarə edəcək.

Ağayevə Zeynal Zeynalov və Akif Əmirəli yan xətt, Orkhan Məmmədov isə dördüncü hakim qismində yardımçı olacaq.

Qeyd edək ki, Curcu şəhərindəki Marin Anastasoviçi adına stadionda gerçəkləşəcək qarşılaşma Bakı vaxtı ilə saat 21:30-da başlanacaq.