Bir neçə gün əvvəl koronavirus infeksiyasına yoluxmuş hücumçu Kriştianu Ronaldu Portuqaliya yığmasına dəstək verib.

"Report"un məlumatına görə, bu barədə o, sosial şəbəkədə bildirib.

"Hislər, mən sanki oradayam. İrəli, uşaqlar, irəli, Portuqaliya!" - deyə hücumçu “Instagram“dakı hesabında yazıb.

Qeyd edək ki, futbolçu xəstəliyinə görə Millətlər Liqası çərçivəsində İsveç yığması ilə matçı buraxmağa məcbur olub.

Matç Portuqaliya komandasının 3:0 hesablı qələbəsi ilə başa çatıb.