Yüngül çəkidə UFC çempionu Həbib Nurməhəmmədov özünü peşəkar rinqdə çıxdığı 50 döyüşün hamısında qələbə qazanan boksçuyla - Floyd Meyvezerlə müqayisə edib.

Fanat.Az xəbər verir ki, "Yahoo Sports"a müsahibə verən dağıstanlı idmançı belə danışıb:

"30 döyüşdə 30 qələbə qazansam, bu, böyük rekord olacaq. Meyvezerin rekordu kimi... Tarixi nəticəyə imza tamağa yaxın olduğumu düşünürəm. Məncə, artıq tarixə düşmüşəm. Konor Makreqorla 2 il öncə keçirdiyim döyüşə 50 il sonra da baxacaqlar. Məhəmməd Əlinin Co Freyzerlə Manilada baş tutan duelinə baxdıqları kimi..."

Xatırladaq ki, məğlubiyyət tanımayan Nurməhəmmədov 28 döyüşdə eyni sayda qələbə qazanıb.