UEFA Avropa Liqası tarixində rekord məsafədən qol qeydə alınıb

30-10-2020, 06:55           
UEFA Avropa Liqası tarixində rekord məsafədən qol qeydə alınıb
UEFA Avropa Liqasının qrup mərhələsində II turunda E qrupunda keçirilən "Omoniya" (Kipr) – PSV (Niderland) qarşılaşmasında Avropa Liqası tarixində rekord qeydə alınıb.

“Report” xəbər verir ki, "Omoniya"nın futbolçusu liqa tarixində ən uzun məsafədən qol vurub.

Belə ki, qarşılaşmanın 29-cu dəqiqəsində "Omoniya"nın futbolçusu Jordi Qomes 56 metrlik məsafədən topu rəqib qapısından keçirib. Bu, turnirin tarixində ən uzaq məsafədən vurulan qol olub.

Qeyd edək ki, qarşılaşma PSV-nin 2:1 hesablı qələbəsi ilə başa çatıb.

Qomes bununla Şotlandiyanın "Reyndcers" klubunun oyunçusu Kemar Rufun rekordunu üstələyib. Sonuncu oktyabrın 22-də Belçikanın "Standart" komandasına 50 metrlik məsafədən qol vurmuşdu.












Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.