Bu gün Avropa Liqasında V turun oyunları keçiriləcək.

Apasport.az saytının məlumatına görə, qitənin ikinci dərəcəli klub turnirinin 12 qrupunda 24 matç baş tutacaq.

Artıq 1/16 final şansını itirən Azərbaycan çempionu “Qarabağ” son ev qarşılaşmasına çıxacaq. Ağdamlılar qardaş Türkiyənin İstanbul şəhərində Təl-Əviv “Makkabi”si ilə üz-üzə gələcək. Türkiyə təmsilçisi “Sivasspor” isə “Vilyarreal”la görüşəcək. V tur qrupdakı hər iki vəsiqəsinin taleyinə aydınlıq gətirə bilər.

Ümumiyyətlə, sabahkı qarşılaşmalar 35 komanda üçün həlledici xarakter daşıyır. 20 klub - “Yanq Boyz”, “Slaviya”, “Bayer”, “Reyncers”, “Benfika”, “Qranada”, PSV, “Napoli”, “Alkmaar”, “Real Sosyedad”, “Braqa”, “Lill”, “Milan”, “Vilyarreal”, “Makkabi”, “Antverpen”, “Tottenhem”, “Dinamo”, “Feyenoord” və “Srvena Zvezda” turu 1/16 finala vəsiqə ilə tamamlamaq imkanına malikdir. Onlardan biri isə həm tur adlamağı, həm də qrupda qalmağı sabah rəsmiləşdirə bilər. Bu, Niderland təmsilçisi “Alkmaar”dır.

Turnirin 16 iştirakçısı - ÇFR, “Nitsa”, “Hapoel”, “Lex”, “Standard”, PAOK, “Omoniya”, “Alkmaar”, AEK, “Zarya”, “Sparta”, “Sivasspor”, LASK, “Volfsberger”, MOİK, “Slovan” isə qrupdan çıxmaq şansını itirmək təhlükəsi ilə üz-üzədir. Yalnız iki klub – “Molde” və “Rapid”in taleyinə istənilən haıda son turda aydınlıq gələcək.

Qeyd edək ki, artıq 1/16 finalın 4 iştirakçısı bəllidir. Bunlar “Roma”, “Arsenal”, “Lester” və “Hoffenhaym”dır. 7 komanda – MOİK, “Dandolk”, “Riyeka”, “Seltik”, “Qarabağ”, “Lüdoqorets” və “Gent” isə qrupda qalıb.

Avropa Liqası
V tur
3 dekabr

G qrupu
21:55. AEK (Yunanıstan) - “Braqa” (Portuqaliya)
21:55. “Zarya” (Ukrayna) - “Lester” (İngiltərə)

H qrupu
21:55. “Lill” (Fransa) - “Sparta” (Çexiya)
21:55. “Milan” (İtaliya) - “Seltik” (Şotlandiya)

İ qrupu
21:55. “Qarabağ” (Azərbaycan) - “Makkabi” (Təl-Əviv, İsrail)
21:55. “Sivasspor” (Türkiyə) - “Vilyarreal” (İspaniya)

J qrupu
21:55. LASK (Avstriya) - “Tottenhem” (İngiltərə)
00:00. “Antverpen” (Belçika) - “Lüdoqorets” (Bolqarıstan)

K qrupu
21:55. MOİK (Moskva, Rusiya) - “Volfsberger” (Avstriya)
21:55. “Feyenoord” (Niderland) - “Dinamo” (Zaqreb, Xorvatiya)

L qrupu
21:55. “Gent” (Belçika) - “Slovan” (Çexiya)
21:55. “Srvena Zvezda” (Serbiya) - “Hoffenhaym” (Almaniya)

A qrupu
00:00. ÇFR (Rumıniya) - MOİK (Sofiya, Bolqarıstan)
00:00. “Roma” (İtaliya) - “Yanq Boyz” (İsveçrə)

B qrupu
00:00. “Molde” (Norveç) - “Dandolk” (İrlandiya)
00:00. “Arsenal” (İngiltərə) - “Rapid” (Avstriya)


C qrupu
00:00. “Nitsa” (Fransa) -“Bayer” (Almaniya)
00:00. “Slaviya” (Çexiya) - “Hapoel” (Beer-Şeva, İsrail)

D qrupu
00:00. “Reyncers” (Şotlandiya) - “Standard” (Belçika)
00:00. “Benfika” (Portuqaliya) - “Lex” (Polşa)

E qrupu
00:00. “Qranada” (İspaniya) - PSV (Niderland)
00:00. “Omoniya” (Kipr) - PAOK (Yunanıstan)

F qrupu
00:00. “Alkmaar” (Niderland) - “Napoli” (İtaliya)
00:00. “Real Sosyedad” (İspaniya) - “Riyeka” (Xorvatiya)