İngiltərə Premyer Liqasında XI tur davam edir.

Apasport.az saytının məlumatına görə, azarkeşlər iki maraqlı oyun izləyiblər.

London derbisində “Tottenhem”lə “Arsenal” üz-üzə gəlib. Premyer Liqada sonuncu məğlubiyyətini sentyabrda alan Joze Mourinyonun yetirmələri bu seriyanı “topçular” önündə davam etdirib. “Tottenhem” ilk hissədə vurduğu qollar sayəsində qələbə qazanıb.

“Liverpul” yüksək pillələrə iddiaçı “Vulverhempton”u darmadağın edərək, ikihakimiyyətliliyi davam etdirib.

“Lester” isə autsayder “Şeffild Yunayted” səfərindən son dəqiqə qolu ilə 3 xalla dönüb.

Tura dekabrın 7-də keçiriləcək “Brayton” – “Sauthempton” (00:00) oyunu ilə yekun vurulacaq.

İngiltərə Premyer Liqası
XI tur
6 dekabr
“Vest Bromviç” – “Kristal Pelas” – 1:5
Qallaher, 30 – Furlonq, 8 (avtoqol), Zaha, 55, 68, Benteke, 59, 82
“Şeffild Yunayted” – “Lester” – 1:2
Makburn, 27 – Peres, 24, Vardi, 90
“Tottenhem” – “Arsenal” – 2:0
Son, 13, Keyn, 45+1
“Liverpul” – “Vulverhempton” – 4:0
Salah, 24, Veynaldum, 58, Matip, 67, Mane, 78