İngiltərə Premyer Liqasında XII tur davam edir.

Apasport.az saytının məlumatına görə, bir gün öncə “Lids” – “Vest Hem” (1:2) matçı ilə startı verilən turun daha 4 görüşü baş tutub.

“Vulverhempton” öz meydanında “Aston Villa”ya uduzaraq, rəqibinin turnir cədvəlində önə keçməsinə şərait yaradıb.

“Nyukasl”ın qonağı olan autsayderlər zonasındakı “Vest Bromviç” meydanı məğlub tərk edib.

“Old Trafford”da Mançester derbisi olub. Premyer Liqadakı son 4 matçında qələbə qazanan “Mançester Yunayted” turnir cədvəlindəki qonşusu “Mançester Siti”ni qəbul edib. Görüş qolsuz bərabərliklə yekunlaşıb.

Çempionatda 3 aydır uduzmayan (5 qələbə, 4 heç-heçə) “Çelsi” Liverpul səfərinə çıxıb. Qeyri-stabil nəticələrlə diqqət çəkən “Everton”un qonağı olan “zadəganlar”ın uğurlu seriyası qırılıb.

Turun qalan oyunları dekabrın 13-də keçiriləcək.

İngiltərə Premyer Liqası
XII tur
12 dekabr
“Vulverhempton” – “Aston Villa” – 0:1
El-Qazi, 90+4 (pen.)
“Nyukasl” – “Vest Bromviç” – 2:1
Almiron, 1, Qayl, 82 – Furlonq, 50
“Mançester Yunayted” – “Mançester Siti” – 0:0
“Everton” – “Çelsi” – 1:0
Siqurdsson, 22 (pen.)