Bu gün Rusiya futbolunun ikinci divizionu hesab edilən Milli Futbol Liqasında (FNL) Novosibirskin «Sibir» və Armavirin «Torpedo» klubları arasında növbəti oyun kütləvi dava ilə başa çatıb. Davada meydançada olan, demək olar ki, bütün futbolçular iştirak edib.

Virtualaz.org xəbər verir ki, oyunun gedişində baş hakim İqor Nizovtsev meydança sahiblərinin qapısına nə az - nə çox, 3 penalti təyin edib və buunlardan ikisi oyunun sonlarında baş verib. Hakimin belə davranışı oyunda ehtirasların qızışmasına gətirib çıxarıb.

Penalti zərbəsindən sonra «Sibir»in futbolçusu Aleksandr Makarenko qonaq komandanın oyunçusu Nikita Qluşkovun ayağına zərbə endirib. İki oyunçu arasında mübahisə kütləvi davaya çevrilib. Moskva «Spartak»ının keçmiş məşhur futbolçusu, indi Armavir «Torpedo»sunun baş məşqçısı olan Valeri Karpin meydançaya çıxaraq işə qarışmalı olub.

Dava iki futbolçunun qırmızı vərəqə alması ilə nəticələnib. Oyuna gəlincə, 2:2 hesablı heç-heçə qeydə alınıb.
[media=https://www.youtube.com/watch?v=iOLdXeBgbp0]