UEFA Çempionlar Liqasının qrup mərhələsində V tura yekun vurulub.

Bununla da 1/8 finalın daha 5 iştirakçısı müəyyənləşib.

A qrupunda Almaniya “Leyptsiq”inin Belçikada “Brügge”ni darmadağın etməsi İngiltərənin “Mançester Siti” və Fransanın PSJ klublarını vaxtından əvvəl pley-offa çıxarıb. Bu komandalar arasındakı görüş isə “şəhərlilər”in qalibiyyəti ilə yekunlaşıb.

B qrupunda növbəti mərhələyə vəsiqəni təmin etmiş İngiltərə “Liverpul”u evdə Portuqaliya “Portu”suna qalib gəlib. Digər qarşılaşmada isə İtaliya “Milan”ı İspaniyada Madrid “Atletiko”sunu üstələyib. Bu nəticələrdən sonra pley-offa ikinci vəsiqənin taleyi son tura qalıb.

C qrupunda Niderland “Ayaks”ından sonra pley-offa yüksələn ikinci komanda Portuqaliya “Sportinq”i olub. Evdə Almaniyanın “Borussiya” (Dortmund) klubunu 2 top fərqi ilə məğlub edən Lissabon təmsilçisi adını 1/8 finala yazdırıb. Dortmundlular mübarizəni Avropa Liqasının pley-offunda davam etdirəcək.

D qrupunda da 1/8 finalçılar bəlli olub. Molddovada “Şerif” üzərində böyükhesablı qələbə qazanan İspaniya “Real Madrid”i özü ilə yanaşı, İtaliya “İnter”ini də növbəti mərhələyə daşıyıb. Tiraspol klubu isə yoluna Avropa Liqasının pley-offunda davam edəcək.

UEFA Çempionlar Liqası

Qrup mərhələsi

V tur

A qrupu

00:00. “Brügge” (Belçika) – “Leyptsiq” (Almaniya) – 0:5

Qollar: Kristofer Nkunku, 12; 90+3. Emil Forsberq, 17 (pen.); 45+1. Andre Silva, 26

00:00. “Mançester Siti” (İngiltərə) – PSJ (Fransa) – 2:1

Qollar: Rahim Sterlinq, 63. Qabriel Jezus, 76 – Kilian Mbappe, 50

Xal durumu: “Mançester Siti” – 12, PSJ – 8, “Leyptsiq” – 4, “Brügge” – 4.

B qrupu

00:00. “Atletiko” (Madrid, İspaniya) – “Milan” (İtaliya) – 0:1

Qol: Junior Messias, 87

00:00. “Liverpul” (İngiltərə) – “Portu” (Portuqaliya) – 2:0

Qollar: Tyaqo Alkantara, 52. Məhəmməd Salah, 70

Xal durumu: “Liverpul” – 15, “Portu” – 5, “Milan” – 4, “Atletiko” – 4.

C qrupu

21:45. “Beşiktaş” (Türkiyə) – “Ayaks” (Niderland) – 1:2

Qollar: Raşid Gezzal, 22 (pen). – Sebastyen Allye, 54; 69

00:00. “Sportinq” (Portuqaliya) – “Borussiya” (Dortmund, Almaniya) – 3:1

Qollar: Pedru Qonsalveş, 30; 39. Pedro Porro, 81 – Doniel Molen, 90+3

Qırmızı vərəqə: Emre Can, 74 (“Borussiya”)

Xal durumu: “Ayaks” – 15, “Sportinq” – 9, “Borussiya” – 6, “Beşiktaş” – 0.

D qrupu

21:45. “İnter” (İtaliya) – “Şaxtyor” (Donetsk, Ukrayna) – 2:0

Qollar: Edin Ceko, 61; 67

00:00. “Şerif” (Moldova) – “Real Madrid” (İspaniya) – 0:3

Qollar: David Alaba, 30. Toni Kroos, 45+1. Kərim Benzema, 55

Xal durumu: “Real Madrid” – 12, “İnter” – 10, “Şerif” – 6, “Şaxtyor” – 1.

23:37
UEFA Çempionlar Liqasının qrup mərhələsində V turun daha 2 oyunu keçirilib.

C qrupunda Türkiyə “Beşiktaş”ı pley-offa vəsiqəni ötən turda rəsmiləşdirmiş Niderland “Ayaks”ını qəbul edib. Görüş meydan sahiblərinin 1:2 hesablı məğlubiyyəti ilə başa çatıb. “Qara qartallar” 22-ci dəqiqədə Raşid Gezzalın penaltidən vurduğu qolla fasiləyə üstün yollansa da, ikinci hissədə qapısında 2 top görüb. 54-cü və 69-cu dəqiqələrdə fərqlənən Sebastyen Allye qonaqlara qələbə qazandırıb. Bu nəticədən sonra “Beşiktaş” 3-cü yeri tutaraq, Avropa Liqasının pley-offuna düşmək şansını itirib və avrokuboklarda mübarizəni dayandırıb. “Ayaks” isə qələbə sayəsində qrup liderliyini təmin edib.

D qrupunda İtaliya “İnter”i evdə Ukraynanın “Şaxtyor” (Donetsk) klubu ilə qarşılaşıb. Rəqibinə 2:0 hesabı ilə qalib gələn meydan sahibləri hələlik liderliyə yüksəlib. Qrupun digər matçında İspaniya “Real Madrid”i Moldovada “Şerif”i üstələyərsə, həm özü, həm də Milan təmsilçisi 1/8 finala vəsiqə qazanacaq. Tiraspolda mümkün heç-heçə də “İnter”i pley-offa çıxaracaq. “Şaxtyor” isə bu məğlubiyyətdən sonra avrokuboklarla vidalaşıb.

C qrupu

21:45. “Beşiktaş” (Türkiyə) – “Ayaks” (Niderland) – 1:2

Qollar: Raşid Gezzal, 22 (pen). – Sebastyen Allye, 54; 69


00:00. “Sportinq” (Portuqaliya) – “Borussiya” (Dortmund, Almaniya)

Xal durumu: “Ayaks” – 15 (5 oyuna), “Borussiya” – 6, “Sportinq” – 6, “Beşiktaş” – 0 (5).

D qrupu

21:45. “İnter” (İtaliya) – “Şaxtyor” (Donetsk, Ukrayna) – 2:0

Qollar: Edin Ceko, 61; 67


00:00. “Şerif” (Moldova) – “Real Madrid” (İspaniya)

Xal durumu: “Real Madrid” – 12, “İnter” – 10, “Şerif” – 6, “Şaxtyor” – 1.

Qeyd edək ki, hələlik “Ayaks”la yanaşı, Almaniyanın “Bavariya”, İtaliyanın “Yuventus”, İngiltərənin “Liverpul”, “Mançester Yunayted” və “Çelsi” klubları 1/8 finala yüksəlib.