“Xəzər Lənkəran” Azərbaycan çempionatında oynamaqdan imtina edib. Milli.Az sport7.az-a istinadən xəbər verir ki, cənublular birinci divizionda da iştirak etməyəcək.
Bunu sayta açıqlamasında “ağ-yaşıllılar”ın mətbuat xidmətinin rəhbəri Hüseyn Cəbrayıloğlu deyib. Qeyd edək ki, cari mövsümün nəticələrinə görə “Xəzər Lənkəran” Premyer Liqa ilə vidalaşıb.
Ağadadaş Həmidovun komandası son turda “Rəvan”la qarşılaşıb. Matçın gedişində cənublular hesabda öndə olsa da, matçın 82-ci dəqiqəsində oyunun baş hakimi Ramil Diniyevin təyin etdiyi şübhəli penaltidən sonra hesab bərabərləşib – 2:2. Oyunda bundan başqa qol olmayıb.