Türkiyə Prezidenti Rəcəb Tayyib Ərdoğan portuqaliyalı ulduz futbolçu Kriştianu Ronaldunun siyasi sanksiyalara məruz qaldığını bildirib.

Gənclərlə bir araya gələn Ərdoğan onların suallarını cavablandırıb.

“Ronaldu Fələstin məsələsinin qayğısına qalan biridir. Təəssüf ki, Ronalduya qarşı siyasi sanksiyalar tətbiq etdilər. Ronaldu ilə Messini müqayisə etmək bizə yaraşmaz, amma Ronaldunu bitirdilər. Ronaldu kimi futbolçunu ikinci hissəyə qoymaq heç düzgün deyil. Baş verənlər Ronaldunun psixologiyasını və bütün enerjisini əlindən aldı.

Ərdoğan Ronaldunun hansı kluba keçəcəyini də deyib: “Mənə verilən məlumata görə, Ronaldu indi Səudiyyə Ərəbistanın klubu ilə anlaşıb”.