Argentina millisinin futbolçuları dünya kuboku ilə birlikdə prezident sarayına getmək təklifindən imtina ediblər.

Bu barədə "Le Monde" məlumat yayıb.

Səbəb oyunçular və ölkənin indiki hökuməti arasında siyasi baxışların üst-üstə düşməməsidir. Lionel Messi və komanda yoldaşları prezident sarayının eyvanından hər hansı siyasi bəyanatlara alət olmaq istəməyiblər. Maraqlıdır ki, dünya çempionu olan komandanın prezident sarayına yollanmaması Argentina tarixində ilkdir.

Qeyd edək ki, Qətərdə keçirilən DÇ-2022-nin finalında Argentina Fransa yığmasını üstələyərək tarixində 3-cü dəfə mundialın qalibi olub.