İngiltərə Premyer Liqasında 19-cu turun daha bir oyunu başa çatıb.

“Mançester Yunayted” doğma meydanda “Bornmut”u qəbul edib. “Old Trafford”dakı oyun “qırmızı şeytanlar”ın üstünlüyü ilə keçib.

Bu, yekun nəticədə də öz əksini tapıb. Belə ki, ev sahibləri qonaqların qapısından 3 cavabsız top keçiriblər – 3:0.


01:42

İngiltərə Premyer Liqasında 19-cu turun oyunları davam edir.

Lider “Arsenal” bu mövsümü gözlənildiyindən daha yaxşı keçirən və hazırda turnir cədvəlinin yuxarı pillələrində qərarlaşan “Nyukasl”ı qəbul edib. “Emireyts”dəki qarşılaşmada tamaşaçılar qola həsrət qalıblar - 0:0.

Turun digər oyunlarında “Brayton” səfərdə “Everton”un qapısına 4 qol vurub – 1:4. “Lester” isə öz meydanında “Fulhem”ə uduzub – 0:1.

Xatırladaq ki, turun açılış matçında “Liverpul” “Brentford”a məğlub olub (1:3). Tura cümə axşamı “Çelsi” - “Mançester Siti” oyunu ilə yekun vurulacaq.