Feliks futbol tarixinin ən yaxşı oyunçusunun adını açıqladı – Bu nə Messidir, nə Ronaldu
10-06-2024, 11:14
“Barselona”nın hücumçusu Joau Feliks futbol tarixinin ən yaxşı oyunçusunun adını açıqlayıb.
Fanat.az xəbər verir ki, portuqaliyalı ulduz “The Nude Project”-in sualına belə cavab verib:
“Tarixin ən yaxşı futbolçusu kimdir? Bu, Ronaldinyodur. O, fantastik oyunçu idi”.
Xatırladaq ki, Ronaldinyo “Barselona”, “Milan” və PSJ-də çıxış edib. O, Braziliya millisində 97 oyun keçirib və 33 qol vurub. Yarımmüdafiəçi 2005-ci ildə “Qızıl top”un qalibi olmaqla yanaşı, dünya çempionatının da qalibidir. Bundan əlavə, Ronaldinyo iki dəfə FİFA-nın versiyasına görə ən yaxşı futbolçu seçilib.