İngiltərə Liqa Kuboku: "Arsenal" və "Liverpul"dan beş qol
26-09-2024, 12:18
İngiltərə Liqa Kubokunun üçüncü raundunun (1/16 final) növbəti oyunları keçirilib.
Oxu.Az xəbər verir ki, "Arsenal" aşağı liqa təmsilçisi "Bolton"la qarşılaşıb. "Topçular" rəqibin qapısından 5 top keçiriblər. Qonaqlar bu qollardan yalnız birinin əvəzini çıxmağı bacarıblar - 5:1. London klubunun 17 yaşlı hücumçusu Nvaneri dublla yadda qalıb.
Digər görüşdə "Liverpul" "Vest Hem"i qonaq edib. Mersisaydlılar oyuna avtoqolla başlasalar da, geridönüşlə 5:1 hesablı qələbəni təmin ediblər. Jota və Qakpo dubla imza atıblar.
