Azərbaycan 1-ci divizionunun V turunda "Bakılı" "Zaqatala"nı qəbul edir. “Qafqazinfo” futbol11.az-a istinadən xəbər verir ki, "İnter Arena"nın 4-cü meydançasında keçirilən qarşılaşmada biabırçılıq yaşanıb.

Belə ki, ilk hissə ərzində "Bakılı"nın prezidenti Misir Əbilovun oğlu oyunun baş hakimi Ömər Paşayevə ağır söyüşlər ünvanlayıb. Nə qədər qəribə olsa da, Paşayev Əbilovun oğluna cavab qaytarıb.

Maraqlıdı ki, bütün bunlar polisin gözünün qarşısında olsa da, asayiş keşikçiləri tərəflərə heç bir müdaxilə etməyib.

İkinci hissənin əvvəlində yenidən tribunaya gələn Əbilovun oğlu bu dəfə AFFA nümayəndəsi ilə söz güləşdirib. O, nümayəndəyə "kişi olun!" deyib.

Qeyd edək ki, Ömər Paşayev ağır təhqirlərə dözməyərək Əbilovun oğluna cavab qaytarmaq üçün azı 3 dəfə bir neçə saniyəlik oyunu dayandırmalı olub.